Sońǵy jyldary elimizde aýyldardyń joıylý prosesi údep barady. Bir jylda Qazaqstanda tirkelgen 6 208 aýyldyń 78-i kartadan joıylyp ketken. Bul týraly Ulttyq statısıka búrosy málimdedi.

Taratylǵan 78 aýyldyń 50-i Túrkistan jáne Qostanaı oblystaryna, al qalǵan 28 aýyl Almaty, Shyǵys Qazaqstan, Abaı jáne Qaraǵandy oblystaryna tıesili. 

Qazaqstandaǵy aýyldyq eldi-mekenderdiń jartysynan astamynda halyq sany 500 adamnan az, sondyqtan olardyń damý áleýeti tómen dep baǵalandy. 1 shildededegi kórsetkish boıynsha aýyldarda el boıynsha halyqtyń 37,3 paıyzy turǵan, bir jyl ishinde bul úles 0,8 paıyzǵa azaıdy.

1 shildedegi jaǵdaı boıynsha halyq sany 20 159 707-ǵa jetti. Qalada 12 573 367 adam bolsa, aýyldyq jerde 7 586 070 adam turyp jatyr.