Aıtbek Amangeldi synyptastary jezókshelikpen aınalysýǵa májbúrlegen qyzylordalyq 16 jastaǵy oqýshy qyzǵa qarjy jınap berdi. Bul týraly ol áleýmettik jelidegi paraqshasynda jazdy. 

"Qyzylordalyq qyzǵa kómektesý úshin qyzdyń ata-anasymen, qorǵaýshylarmen birlese  otyryp jumys jasaımyz.  14-17 tamyz aralyǵynda kómek retinde aqsha jınaǵan bolatynbyz, qarjy qyzdyń ápkesine Aıdaǵa jiberildi. Qazirgi tańda aqsha jınaý toqtatyldy. Báriniń esebin beremiz. Eki jarym kúnniń ózinde 17 984 909 teńge jınaldy", - deıdi Aıtbek Amangeldi.

Ol aqsha ne úshin jumsalǵanyn kez kelgen adam qujattan kóre alatynyn jetkizdi.

"Jınalǵan qarjy ne úshin jumsalyp jatqanyn ashyq kórsetý úshin arnaıy keste daıyndadym. Qyzdyń ata-anasy kún saıyn kesteni toltyryp, qarjynyń qaıda jumsalyp jatqanyna esep berýge mindetteldi. Qujatty kez kelgen adam kóre alady", - deıdi Aıtbek Amangeldi.

Eske salaıyq, tamyz aıynyń basynda "Nemolchı" qorynyń jetekshisi Dına Tańsári 16 jastaǵy oqýshy qyzdy synyptastary seks-quldyqqa salǵanyn málimdedi. Keıinnen BAQ betterinde qyzdyń anasynyń kómek suraǵan habarlamasy taraǵan bolatyn.