Almatydaǵy Birjan sal kóshesinde alty birdeı avtokólik soqtyǵysyp qaldy,-dep habarlaıdy «Qamshy» portaly Zakon.kz-ke silteme jasap.
Oqıǵa kýágerleriniń aıtýynsha, Birjan kóshesiniń Mustafın kóshesimen qıylysatyn tusynda shyǵys baǵytta ketip bara jatqan BMV avtokóligi jol jıeginde turǵan Nıssan kóligin baryp soqqan. Soqqy saldarynan ol aldynda turǵan Toıota kóligin, al, Toıota janyndaǵy Ladany soqqan. Oqıǵaǵa kináli BMV kóliginiń júrgizýshisi rólge mas kúıinde otyrǵan degen kúdik bar. BMV kóligi Nısaannyń aldynda taǵy bir Toıota markaly mashınany soǵyp ketkeni belgili boldy.
