Sybaılas jemqorlyqqa qarsy is-qımyl agenttigi "Astana LRT" JSHS-nyń burynǵy basqarma tóraǵasy Talǵat Ardanǵa qatysty qylmystyq isti tergeý jumysyn júrgizip jatyr. Soǵan baılanysty agenttik tergeýden jaltaryp, qazirgi ýaqytta shetelde júrgen Talǵat Ardandy jaýap alýǵa shaqyryp, resmı habarlama joldady.

"Talǵat Ardan 2024 jyly 23 tamyzda saǵat 09:00-de Astana qalasy Qabanbaı batyr dańǵyly 19, "B" blogy mekenjaıynda ornalasqan Sybaılas jemqorlyqqa qarsy is-qımyl agenttiginiń ákimshilik ǵımaratyna jedel-tergeý tobynyń basshysy J. Ótepqalıevke kelýi qajet"– dep habarlady Antıkor. 

"Astana LRT" JSHS-nyń burynǵy basqarma tóraǵasynan jınalǵan dálelderge baılanysty qylmystyq-prosestik kodeksiniń 208-baby 1-bóligine sáıkes jaýap alynýy tıis.