Jýyrda Erbaıan Muhtar ata-anasynyń talabymen úıine shyǵaryldy. Sarbazdyń týystary jeke dárigerlerdiń aqysyn tóleı almaı qazaqstandyqtardan kómek suraǵan edi. Bloger Lola Izraılova sarbazdyń otbasynyń resmı ókili retinde Erbaıan Muhtardyń jaǵdaıy týraly habar taratyp júr. Ol Erbaıannyń týystarynyń qazaqstandyqtardyń kómeginen keıin kózine jas alǵanyn aıtty.

"Erbaıannyń otbasy búkil Qazaqstan halqyna jáne emdelýge qarajat jınaýǵa kómektesken basqa elderdiń azamattaryna sheksiz alǵysyn bildiredi. Ata-anasy kóz jasyna erik berdi, mundaı keremet qoldaý búkil ujymdy tańǵaldyrdy. Sózimiz joq. Memleket talaı aıdyń ishinde jasaı almaǵan isti sanaýly kúnde jasadyńyzdar. Men Qazaqstanda turatynymdy maqtan tutamyn", — dep jazdy bloger. Sondaı-aq bloger Erbaıannyń otbasy aqsha jınaýdy jalǵastyrý kerek pe, joq pa degen máseleni oılanyp jatqanyn aıtty.

"Óıtkeni bizdi sanıtarlyq avıasıanyń 25 000 000 teńgeden 60 000 000 teńgege deıin turatyny qorqytady. Emdeý qansha aıǵa sozylatyny, emhana qansha tóleıtini belgisiz. Adamdar medısınasy damyǵan elderge ushýǵa keńes beredi. Al bul, tıisinshe, biz oılaǵannan áldeqaıda qymbatqa túsedi", – deıdi bloger. Qarjy jınaý 1 maýsymda bastalǵan. Ol kezde Túrkıada emdelý úshin 30 mıllıon teńge qajet ekeni aıtylǵan. Biraq, eń áýeli, jas jigitke ońaltý sharalary qajet.