Jambyl oblysy Moıynqum aýdandyq sotynda paraqorlyq jasaǵany úshin aýdan ákiminiń mindetin ýaqytsha atqarýshy S. Tólegenov, osy aýdannyń qarjy bóliminiń basshysy T. Ádilbaev jáne «Kaly» JK ókili A. Shubaev sottaldy. Bul týraly jemqorlyqqa qarsy qyzmet habarlady.

"Tólegenov para alǵany, al Ádilbaev memlekettik satyp alý salasyndaǵy jumys jónindegi fýnksıalardy laýazymdyq mindetterinen alyp tastamaǵany jáne qyzmet boıynsha jalpy qamqorlyǵy úshin oǵan 400 myń teńge somasynda para bergeni úshin kináli dep tanyldy. Budan basqa, Ádilbaev Moıynqum aýylynyń joldaryn jóndeý boıynsha oryndalǵan jumystarǵa jedel aqy tólegeni úshin Shubaevtan 600 myń teńge somasynda para alǵan. Sot úkimimen Tólegenov pen Shubaevqa 12 mln teńgeden, Ádilbaev 26 mln teńge aıyppulǵa sottaldy" delingen Antıkor habarlamasynda.

Habarlamada aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylatyny eskertilgen.