Qyzylordada oqýshyny jezókshelikke májbúrlegen 8 kúdikti qamaldy. Bul týraly QR ishki ister mınıstrligi habarlady.

"8 kúdiktige sot "qamaýda ustaý" túrindegi bultartpaý sharasyn tańdady, bireýi úıqamaqta. Budan basqa, osy qylmystyq is sheńberinde QK birneshe baby boıynsha, onyń ishinde jezókshelikpen aınalysýǵa arnalǵan prıton uıymdastyrý jáne jeńgetaılyq (309-baby 2-bóligi), bopsalaý (194-baby 2-bóligi), esirtki quraldaryn, psıhotroptyq zattardy, olardyń analogtaryn qoldanýǵa kóndirgeni úshin (299-baby 3-bóligi), azaptaý úshin (110-baby 1-bóligi), kámeletke tolmaǵan balany tárbıeleý jónindegi mindetterdi oryndamaǵany úshin (140-baby 1-bóligi) tergeý júrip jatyr" — delingen habarlamada.

Eske ala keteıik, Qyzylordada 16 jasar oqýshy qyzdy synyptastary azaptap, jezókshelikpen aınalysýǵa májbúrlegen.