Parıjde qamaýǵa alynǵan Telegram áleýmettik jelisiniń negizin qalaýshy Pavel Dýrov 12 qylmysqa qatysy bar degen kúdikke ilingen. Bul týraly Parıj prokýratýrasy habarlady.
Pavel Dýrovqa taǵylǵan aıyptar:
• uıymdasqan toptardyń zańsyz mámilesin júrgizýge onlaın-platformany basqarýǵa qatysý;
• quqyq qorǵaý organdary tergeý júrgizý úshin suraǵan qajet aqparatty bermeý;
• kámeletke tolmaǵandarǵa baılanysty pornografıalyq kontentti saqtaýǵa qatysý;
• osyndaı kontentti taratýǵa qatysý;
• esirtki taratýǵa jáne saqtaýǵa qatysý;
• kıberqylmystarǵa qatysý;
• uıymdasqan qylmystyq top ishinde alaıaqtyqqa qatysý;
• aýyr qylmys jasaý maqsatynda qylmystyq sóz baılasý;
• qylmystyq jolmen alynǵan aqshany zańdastyrý;
• krıptologıa boıynsha lısenzıasyz qyzmet kórsetý;
• krıptologıaǵa arnalǵan quraldy aldyn ala deklarasıasyz jetkizý;
• mundaı quraldy ımporttaý.
Aıta keteıik, Pavel Dýrov Parıjde ustalǵan bolatyn. Keıinnen Fransıa prezıdenti Makron bul "saıası sheshim emes" degen bolatyn.
Pikir qaldyrý