Astanalyqtar paıdalanylǵan komýnaldyq qyzmet úshin tólemderdi tóleýde qıyndyqtarǵa tap bolýda, - dep habarlaıdy «Qamshy» portaly 24kz-ke silteme jasap.

Turǵyndar bankterdiń qyzmet aqysyn qabyldaýdan bas tartqan. Sol sebepti olar qyzmet aqysyn tóleý úshin «AstanaEnergoSatý» JSHS kasalaryndaǵy uzaq kezekte turýǵa májbúr bolýda. 

Qyzmet usynýshy kásiporyn basshylary muny banktermen jasalǵan kelisimderdegi kemshilik dep túsindirýde.

«Sońǵy kúnderi bizde tutynýshylardyń kezekke turýy jıilep tur. Biraq, bul másele búgin-erteń sheshilýi tıis. Komýnaldyq qyzmet aqysyn qabyldaý týraly 9 bankpen kelisim jasalǵan. Biraq, búginde «Halyq banki», «Kaspıı» jáne «Sesna» sıaqty 3 bank qana atalǵan tólemderdi qabyldaýda. Biz, osyndaǵy bank jetekshilerimen kezdesip, biraz máseleni talqyladyq, - deıdi «AstanaEnergoSatý» JSHS-y bas dırektorynyń orynbasary Dáýren Qabdın. Kompanıa basshylarynyń aıtýynsha, tólemaqy qabyldaý merzimi turǵyndarǵa yńǵaıly bolý úshin 31 qazanǵa deıin uzartylǵan jáne qarasha aıynan bastap 9 banktiń fılıaldary túgeldeı komýnaldyq qyzmet aqysyn qabyldaıtyn bolady.