Áleýmettik jelide reseılikter Oralǵa jappaı kóship kelip jatqany jóninde beınejazba tarady. BQO polısıa departamenti aqparatty joqqa shyǵardy, dep habarlady QazAqparat.
BQO polısıa departamentiniń málimetinshe, áleýmettik jelide 26 tamyzǵa qaraǵan túni Oralǵa Reseıden bosqyndar úsh avtobýspen kelgeni týraly beınejazba keńinen taraǵan.
"Atalǵan aqparat shyndyqqa janaspaıdy. Shyn mánisinde bular – Reseı Federasıasyndaǵy JOO-larǵa túsken BQO mektepteriniń túlekteri. Atap aıtqanda, beınejazbaǵa Qazanǵa bara jatqan abıtýrıentter (135-teı adam) túsken. Qoǵamdyq tártipti buzý nemese azamattardyń nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli zıan keltirý qaýpin tóndiretin kórineý jalǵan aqparat taratqany úshin QR Zańyna sáıkes qylmystyq jaýapkershilik qarastyrylǵanyn eske salamyz", dep habarlady vedomstvo.
Pikir qaldyrý