1334 jyly Áz Jánibek sultanǵa arnap jazylǵan 96 bettik qoljazba tabyldy. Qoljazbada Áz Jánibek hannyń túpatasy Shyńǵys hannan óz ákesi Ózbek hanǵa deıingi atategi qysqasha altyn naqyshpen berilip, negizgi mátinde hıkmetter týraly baıandalǵan.
Qoljazbanyń ishki muqabasynda Osman sultany İİ Baıazıdtiń (1447-1512) móri qoıylǵan.
Tarıhı mura Mádenıet jáne aqparat mınıstrliginiń uıymdastyrýymen "Arhıv-2025" keshendi jospary aıasynda Túrkıanyń Ystanbul qalasynda ótken ǵylymı-zertteý jumystary barysynda Ortalyq memlekettik arhıviniń qyzmetkeri, ǵalym Ómirbek Qanaı anyqtady.
Qazir asa qundy qoljazbanyń kóshirmesi Qazaqstanǵa jetkizilip, ári qaraı zertteý jumystary jalǵasyp jatyr.
Pikir qaldyrý