Kalıfornıa ýnıversıtetiniń zertteýshisi Djeıson Nagata bastaǵan ǵalymdar toby 1985 jyldan beri elektrondy qurylǵylardyń adam densaýlyǵyna qalaı áser etetini boıynsha júrgizgen zertteýiniń nátıjelerin jarıalady. Zertteý barysynda 4 myńnan astam jastyń ómiri men densaýlyǵy baqylaýǵa alynǵan.

Zertteý nátıjeleri 20 jasqa deıin ekran aldynda ótkizgen árbir saǵat onyń 60 jasqa deıin ómir súrý múmkindigin azaıtatynyn kórsetken. Bul qaýip, ásirese, erler arasynda joǵary. 

"Orta jastan jaǵdaı odan saıyn kúrdelene túsedi. Táýlik ishindegi ekran aldyndaǵy árbir saǵat júrektiń ıshemıalyq aýrýlary paıda bolý qaýpin 55 paıyzǵa, ınsýlt qaýpin 58 paıyzǵa, jalpy júrek aýrýlary qaýpin 32 paıyzǵa arttyrady", – delingen zertteýde. 

Sondaı-aq, Djeıson Nagata jas kezde smartfon aldynda kóp otyrý ádeti adamdyń fızıkalyq belsendiligin tómendetip, uıqy rejımin buzatynyn aıtady jáne bul ádet adamda ómiriniń sońyna deıin saqtalyp qalady.

Sondyqtan, zertteýshiler, jumystan tys ýaqytta elektrondyq qurylǵylardy táýligine eki saǵattan artyq qoldanbaýǵa, jatar aldynda ekranǵa telmirýden múlde arylýǵa keńes beredi.

Derekkóz: informburo.kz