Mekteptiń ashylý saltanatyna Qazaqstan Respýblıkasynyń Halyq ártisi jáne opera ánshisi Bıbigúl Tólegenova, mekteptiń bas quryltaıshysy jáne Forbes Kazakhstan baspageri Armanjan Baıtasov, sondaı-aq, Qazaqstan Respýblıkasynyń Halyq ártisi Dımash Qudaıbergen qatysty.

Bıbigúl Tólegenova atyndaǵy shyǵarmashylyq mektebi (BTCS) – ınovasıalyq bilim berý tujyrymdamasyn usynatyn zamanaýı bilim berý ortalyǵy. Munda balalar negizgi bilim alatyn pándermen qatar kreatıvti fakúltetterde ózderiniń shyǵarmashylyq talanttaryn damyta alady.

Ár túrli mýzykalyq janrlardy, mýzyka teorıasy men oryndaýshylyq ónerdi zertteý Music fakúlteti aıasynda ótedi.

Digital fakúlteti baǵdarlamalaýdy, veb-ázirleýdi, jasandy ıntellekt pen kıberqaýipsizdik salasyndaǵy ártúrli ozyq tehnologıalardy úıretedi.

Beıneleý óneri, grafıkalyq jáne arhıtektýralyq dızaın arqyly balalardyń shyǵarmashylyq oılaýyn damytýǵa arnalǵan arnaıy Art fakúlteti synyby da bar.