Jyl sońyna deıin óńirdi gazben qamtý deńgeıi 56,5 paıyzǵa jetedi. Bul týraly Jetisý oblysynyń ákimi Beıbit Isabaev prezıdent qabyldaýynda málim etti.

Oblys ákiminiń aıtýynsha, aımaqqa 188,2 mıllıard teńge ınvestısıa tartylyp, birqatar perspektıvti ınvestısıalyq joba iske asyrylyp jatyr. Olardyń qatarynda Kerbulaq aýdanyndaǵy metalýrgıa kombınaty, «Qorǵas – Shyǵys qaqpasy» arnaıy ekonomıkalyq aımaǵyndaǵy «Qazaqstan-Qytaı halyqaralyq ónerkásip qalasy» ındýstrıaldy parki, Jońǵar qaqpasy aýmaǵyndaǵy qýaty 1 GVt bolatyn jel elektr stansıasy sıaqty iri jobalar bar.

– Jyl sońyna deıin óńirdi gazben qamtý deńgeıi 56,5 paıyzǵa jetedi. 2028 jylǵa qaraı Jetisý oblysy kógildir otynmen tolyq qamtylady dep kútilip otyr. Sońǵy 2 jylda oblysta 86 áleýmettik ınfraqurylym nysany salynyp, jóndeýden ótti, – dedi Beıbit Isabaev.