21 qazanda Almaty oblysynyń ortalyǵy Taldyqorǵan qalasynda XIX ǵasyrdaǵy Jetisý aqyndarynyń altyn dińgegi, aıtysker aqyn Súıinbaı Aronulynyń 200 jyldyq mereıtoıyna arnalǵan halyqaralyq aqyndar aıtysy ótken bolatyn. Sol aıtysqa qatysqan tanymal aqyn Balǵynbek Imashev osydan keıin aıtysqa shyǵýdy doǵaratynyn aıtty. Bul týraly «Qamshy» portaly nur.kz-ke silteme jasap.

Nur.kz tilshisi áıgili aqynnyń aıaq astynan aıtystan ketýiniń sebebin anyqtaý úshin habarlasqan. B. Imashev óz sheshimin «Qazir aıtysta naǵyz laıyqty qarsylastardyń qalmaǵandyǵymen» túsindirdi.

Aınur Tursynbaevamen aıtysy kezinde aqyn áıgili «Toı jyry» ániniń maqamyna salyp, óz oıyn bylaı aıaqtady.

Taldyqorǵanda tátti kúnder, tátti kúnder!

Bul aıtysqa shat kúlinder, shat kúlińder.

Osymen men ketemin pensıaǵa,

Balǵynbektiń sońǵy aıtysy dep bilińder.

Aqynnyń ónerde birge kele jatqan zamandasy Aıbek Qalıev dosynyń mundaı málimdesin estigen kezde:

Nemeneńe jetistiń, bala batyr,

Shal aqyndar azaıyp bul aıtysta,

Shala aqyndar kóbeıip bara jatyr.

Balǵyn dosym qoshtasyp aıtyspenen,

Aıbek kelip endigi jaǵada tur, — dep Balǵynbektiń aıtystan ketkenin qımaıtynyn bildirdi.

Aıta keteıik, «Meniń pirim – Súıinbaı» atty halyqaralyq aıtystyń bas júldesin jergilikti aqyn Jandarbek Bulǵaqov jeńip aldy. Oǵan jeńil avtokóliktiń kilti tapsyryldy.

Al, birinshi oryn astanalyq Syrym Áýezhanǵa (1 mln teńge), ekinshi oryn Aınur Tursynbaevaǵa (700 myń teńge), qos úshinshi oryn Aıagóz Serikqyzy men Qytaı elinen kelgen Arzygúl Qaıymbekqyzyna (árqaısysyna 500 myń teńgeden) buıyrdy.