2024 jylǵy 26 qyrkúıek pen 7 qazan aralyǵynda Almaty oblysynyń "Jaǵalaý" oqý polıgony bazasynda UQSHU Ujymdyq bitimgerlik kúshteriniń "Myzǵymas baýyrlastyq-2024" komandalyq-shtabtyq oqý-jattyǵýyn ótkizý josparlanǵan. Bul týraly qorǵanys mınıstrli habarlady.

"Oqý-jaýyngerlik tapsyrmalardy pysyqtaý maqsatynda oqý-jattyǵý ótetin jerge 18 qyrkúıekten bastap Belarýs, Qazaqstan, Qyrǵyzstan, Reseı jáne Tájikstannyń áskerı kontıngentteri aralas tásilmen kele bastaıdy. Almaty jáne Jetisý oblystarynyń aýmaǵy arqyly áskerı qyzmetshilerdiń qozǵalysy temir jol jáne avtomobıl kóligimen júzege asyrylatyn bolady" delingen mınıstrlik habarlamasynda.

Mınıstrlik osyǵan baılanysty, azamattar men BAQ ókilderin áleýmettik jelilerde taratylatyn qaýesetterge mán bermeı, tek resmı aqparat kózderine senýge shaqyrdy.