Joǵarǵy sot buqaralyq aqparat quraldary men áleýmettik jelilerde tarap jatqan "mektepterde oramal taǵý zańdy dep tanyldy" degen aqparat jalǵan ekennin málimdedi.

Habarlamada isti qaraý aıasynda Joǵarǵy Sottyń ákimshilik ister jónindegi sot alqasy bilim berý mekemesinde oramal taǵýdyń zańdylyǵy jónindegi máseleni talqylaýǵa aralaspaǵany aıtylady.

"Kasasıalyq saty mekteptiń oqýshyny sabaqqa jibermeýin zańsyz dep tanydy, óıtkeni bilim alý quqyǵy Qazaqstan Respýblıkasy azamattarynyń negizgi konstıtýsıalyq quqyqtarynyń biri bolyp tabylady. Sonymen qatar, beıindi Mınıstrlikte orta bilim berý uıymdary úshin mindetti mektep formasyna qoıylatyn talaptardy bekitý jónindegi ókilettikter bar. Mınıstrdiń tıisti buıryǵy zańsyz dep tanylmaǵan jáne kúshi joıylmaǵan. Sondaı-aq, ata-analar mektep jarǵysy men mektep formasyna qoıylatyn talaptardy saqtaý mindetine jaýapty ekenin atap ótemiz" delingen Joǵarǵy sot habarlamasynda.