İri ınvestısıalyq jobalar tutastaı alǵanda el ekonomıkasynyń damý kórsetkishteriniń biri bolyp tabylady. 2024 jyly Qazaqstan óńirlerinde qandaı jobalar bastaldy, al qaısysy iske qosylýy josparlanýda, bul rette qansha jumys orny qurylyp, aqsha jumsaldy, dep jazady Qamshy.kz aqparattyq agenttigi.

Astana

Aǵymdaǵy jyly elordada 4 myńnan astam jumys ornyn qurýmen 272 mıllıard teńge somasyna 55 jobany iske asyrý josparlanǵan. Bul lıft zaýyty, korpýsty qurastyrý Qyzmet kórsetý ortalyǵy, ishki jáne syrtqy qabyrǵa panelderin óndirý, tigin fabrıkasy, zamanaýı logıstıkalyq ortalyq, medısınalyq ortalyq, fermerler bazary jáne t.b. sıaqty jobalar.

Birinshi jartyjyldyqta 20,3 mıllıard teńgege 12 joba iske qosyldy, bul 361 jumys ornyn qurýǵa múmkindik berdi.

"Negizgi ekonomıkalyq áser jańa jumys oryndaryn qurý, salyq túsimderin ulǵaıtý, sondaı - aq naryqty sapaly jáne básekege qabiletti ónimmen qamtamasyz etý bolyp tabylady", - dep habarlady ákimdik.

Almaty

Almatyda 9 134 jumys ornyn qura otyryp, jalpy somasy 606,3 mıllıard teńgege 27 ınvestısıalyq jobanyń tizbesi qalyptastyryldy. Qalalyq ákimdiktiń málimetinshe, búginde alty ınvestısıalyq joba iske asyryldy. Jyl sońyna deıin taǵy toǵyz jobany júzege asyrý josparlanýda.

Almatynyń 2025 jylǵa deıingi damý baǵdarlamasyna jáne 2030 jylǵa deıingi orta merzimdi perspektıvalarǵa sáıkes óńdeý ónerkásibi, týrızm, IT jáne kreatıvti ındýstrıalar sıaqty eksporttyq áleýeti bar ekonomıka salalary basym baǵyttar bolyp aıqyndaldy.

"Qalada avtomobıl jasaý jáne farmasevtıkalyq buıymdar óndirý klasterleri damýda. Jańa jobalardy iske asyrý joǵary bilikti jumys oryndaryn qurýǵa, sondaı-aq salyq jáne áleýmettik aýdarymdardy ulǵaıtýǵa ákep soǵady. Investısıalyq jobalar qalanyń, arnaıy ekonomıkalyq aımaqtyń, sondaı - aq Almatynyń ındýstrıalyq aımaǵynyń aýmaǵynda iske asyrylýda", - dep tolyqtyrdy ákimdik.

Shymkent

Aǵymdaǵy jyly Shymkentte jalpy somasy 67,2 mıllıard teńgege 1,1 myńnan astam jańa jumys ornyn qurýmen 10 ınvestısıalyq jobany iske asyrý josparlanýda. Búgin eki ınvestısıalyq joba iske qosyldy.

Qala ákimdiginde tolyq málimet berilmedi.

Abaı oblysy

Aǵymdaǵy jyly óńirde jalpy somasy 15,4 mıllıard teńgege 382 jumys ornyn qurýmen toǵyz ınvestısıalyq jobany iske asyrý josparlanýda. Onyń ishinde jalpy somasy 3,8 mıllıard teńgege tórt joba iske asyryldy. Bul rette 95 jumys orny quryldy.

"Jobalardy iske asyrý salyqtyq túsimderdiń ósýi, óndiristiń ulǵaıýy, agroónerkásiptik keshenniń (AÓK) damýy esebinen óńirdiń ekonomıkalyq ósýine alyp keledi. Sondaı - aq, áleýmettik turaqtylyqqa ákeletin jańa jumys oryndary ashylady", - dep habarlady ákimdik.

Sondaı-aq, 2024 jylǵa arnalǵan Óńirdi damytý búdjetinen 290 Búdjettik ınvestısıalyq jobany iske asyrýǵa 79,8 mıllıard teńge kózdelgen.