QR eńbek sińirgen qaıratkeri, Qurmet ordeniniń ıegeri Qudaıbergen Bekish Almatydaǵy referendýmda daýys berýge qatysty.Ánshi №168 mektepte ornalasqan № 416 ýchaskege bardy. Qudaıbergen Bekish atom elektr stansıasyn salý sıaqty Qazaqstan úshin mańyzdy sheshim qabyldaýda árbir qazaqstandyqtyń daýysynyń mańyzdylyǵyn atap ótti.

"Búgin elimiz úshin aıtýly kún. Men azamattyq boryshymdy oryndadym jáne saılaý ýchaskesinde daýys berdim. Bizdiń barlyq azamattarymyzdy shette qalmaýǵa jáne elimiz úshin mańyzdy oqıǵaǵa qatysýǵa shaqyramyn", - dep atap ótti ártis.

Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Almaty ákimi Erbolat Dosaev jubaıymen birge №48 mektep-lıseıdegi №388 saılaý ýchaskesine kelip, alǵashqylardyń biri bolyp daýys berýge qatysty. Qaladaǵy saılaý ýchaskeleri saǵat 20:00-ge deıin jumys isteıtin bolady.