- 7 qazanda Astananyń azamattyq ister jónindegi aýdanaralyq soty qazaqstandyq toǵyz jýrnalısiń Mádenıet jáne aqparat mınıstrliginiń «Jýrnalıserdi akredıtasıalaýdyń úlgilik erejesin» bekitý týraly jańa buıryǵynyń erejelerine qarsy shaǵymdanǵan ujymdyq talap aryzyn qabyldady. Talapkerlerdiń aıtýynsha, bul normatıvtik quqyqtyq akt sóz bostandyǵy men aqparat taratýdaǵy konstıtýsıalyq quqyǵymyzdy óreskel buzady, delingen habarlamada.

Basty másele – akkredıttelgen jýrnalısiń memlekettik organdardan alynǵan aqparatty jýrnalısi akkredıttegennen basqa kez kelgen BAQ arqyly taratýyna tyıym salatyn tarmaq bolyp otyr. Bul shart eki ret buzylsa, jýrnalıs alty aıǵa deıin akredıtasıasynan aıyrylýy múmkin. Talapkerlerdiń pikirinshe, bul talap Qazaqstan Respýblıkasy Konstıtýsıasynyń 20, 39-baptaryna jáne QR «Mass-medıa týraly» Zańyna qaıshy keledi, olardyń aqparatty erkin alý men taratýǵa konstıtýsıalyq quqyǵyn shekteıdi.

«Ádil sóz» sóz bostandyǵyn qorǵaý halyqaralyq qory jýrnalıserdiń múddesin sotta qorǵap, olarǵa quqyqtyq qoldaý kórsetedi.

«Akredıtasıalaýdyń úlgilik erejesin engizý «Quqyqtyq aktiler týraly» Zańdy buzý arqyly ótti atap aıtqanda, úlgilik erejeniń qoldanylý merzimin «ótken kúnmen» qoıý, negizi jańa zańdy jaýapkershilikti belgileıtin quqyqtyq aktiler resmı jarıalanǵannan keıin kúntizbelik 60 kún ótkenge deıin kúshine enbeıtinine nazar aýdarǵym keledi. Memleket azamattardyń zańdy múltiksiz saqtaýyn talap etedi, sondyqtan onyń organdary zańnamanyń prosesýaldyq talaptaryn elemeýge moraldyq ta, zańdyq ta quqyǵy joq», deıdi Qor prezıdenti Karla Jamanqulova.

Uıymdardyń resmı habarlamalary akredıtasıasyna qaramastan barlyq jýrnalıserge beriledi. Osylaısha, aqparatty akredıtteý týraly ótinish berilgen buqaralyq aqparat quraldarynda ǵana jarıalaý týraly talap jýrnalısik qyzmet erkindigin shektep, aqparatqa teń qoljetimdilik qaǵıdatyn buzýy múmkin. Bul shart memlekettik organda akredıtasıasy bar jáne akredıtasıasyz jýrnalıserdiń teńsizdigin týdyrady. Olardy ártúrli BAQ pen áleýmettik jelilerde aqparatty erkin taratý múmkindiginen aıyrady. QR Konstıtýsıasynyń 20-babynda sóz bostandyǵyna, onyń ishinde aqparatty erkin alý jáne taratý quqyǵyna kepildik berilgen.

«Memleket brıfıńterde berilgen aqparattyń halyq arasynda múmkindiginshe keń taralýyna múddeli bolýy kerek. Al adamdardyń jańalyqtardy alý ádeti ártúrli bireýler gazet oqıdy, endi bireýler áleýmettik jelini qaraıdy. Memleket aqparat taratý arnalaryn shektemeı, múmkindiginshe kóp adamǵa jetkizýdi suraýy kerek. Anonımdi arnalardyń qaptaǵan ýaqytynda kásibı jýrnalıserdiń avtorlyq kontentine shekteý qoıý – aqymaqtyq. Ádil sot bizdiń paıdamyzǵa sheshilip, qoǵamǵa eshqandaı praktıkalyq paıda ákelmeıtin jáne kásibı jýrnalıserdiń jumysyn qıyndatatyn bul qısynsyz talap joıylatynyna senimdimin», dedi ujymdyq shaǵymǵa qol qoıýshylardyń biri, «Vlast ınternet-jýrnaly Astana búrosynyń jetekshisi,Tamara Vaal.

Talapkerler Mádenıet jáne aqparat mınıstrligi bekitken buıryqtyń keıbir tarmaqtaryn zańǵa qaıshy dep tanyp, onyń kúshin joıýdy talap etedi.