Qyrkúıek aıynyń qorytyndysy boıynsha Qazaqstannyń jalpy halyqaralyq rezervteri rekordtyq 107,2 mlrd dollarǵa jetti. Ulttyq banktiń altyn-valúta rezervteri jyl basynan rekordtyq mán – 44,5 mlrd dollarǵa nemese 23,6%-ǵa ulǵaıdy. Ulttyq qordyń aktıvteri jyl basynan 4,5 paıyzǵa ulǵaıyp, 62,7 mlrd dollar boldy. Ulttyq qordyń túsimderi men alymdarynyń balansy teris qalyptasyp keledi. Iaǵnı alymdar túsimderden asyp jatyr. Bul jaǵdaıda qor qarajatynyń ósimin qoldap turǵan jalǵyz faktor – ınvestısıalyq tabys. Ol 9 aıda 10,27%, ıaǵnı 6,16 mlrd dollarǵa jetti, - dedi Tımýr Súleımenov.

Ulttyq bank basshysy qyrkúıekte teńgeniń aıyrbastaý baǵamy 1 dollar úshin 481,11 teńgege deıin, ıaǵnı 0,1%-ǵa azdap nyǵaıǵanyn aıtady. Alaıda, jyldyń basynan beri 5,8%-ǵa álsiregen.

Transfertterdi qamtamasyz etý úshin qyrkúıekte Ulttyq qordan respýblıkalyq búdjetke 945 mln dollar valúta satý teńgege qoldaý kórsetti. Sondaı-aq, Ulttyq banktiń «Qazatomónerkásip» AQ aksıalaryn satyp alýynyń valúta naryǵyna yqtımal teris áserin teńestirý aıasynda biz 241,5 mln dollaryn sattyq, - dedi Súleımenov.