- Ózderińiz kórip otyrǵandaı, fýtbol quramamyzdyń bas bapkeri Cherchesovtiń qazaq tiline baılanysty brıfıńte aıtqan pikirine qatysty shý bolyp jatyr. Ol bul jerde qazaq tili men fransýz tilin shatastyryp tur. Bul vıdeo áleýmettik jeline dúr silkindirip jatyr. Bir jaǵynan qarasańyz vıdeo ersi kórinedi, - dedi senator.

Ol vıdeoúndeýinde Cherchesovke qazaq tili men fransýz tiliniń aıyrmashylyǵy qalaı ekenin túsindirip berdi.

- Meniń oıymsha, ol bizdiń elimizde qyzmet etip, bas quramamyzdy baptap jatqannan keıin qazaq tilin bilmese de, qazaq tili men fransýz tiliniń aıyrmashylyǵyn bilgeni durys. Sondyqtan soǵan mán berseńiz. Óıtkeni qazaq tilimiz – elimizdiń basty baılyǵy. Ózge ulttyń, ózge eldiń azamaty ekenin túsinemiz. Biraq olaı artyq ketýdiń qajeti joq. Bizdiń tilimizdi mazaq etip, ony basqa jaǵynan kórsetýdiń qajeti joq. Qazaq tili – ol fransýz tili emes. Qazaq tili – ol dara til. Qazaq tili – ol Abaıdyń tili. Qazaq tili – ol bizdiń uly tilimiz, - dep túsindirdi Shıpovskıh.

Depýtat elimizge kelgen ózge eldiń azamaty bolsyn, ózge ult ókili bolsyn – olar qazaq tiliniń mańyzdylyǵyn túsinip, bilgeni durys dep esepteıtinin atap ótti.

-Sport mınıstrligi men QFF-nyń qulaǵyna altyn syrǵa. Mundaı jaǵdaı qaıtalanbaýǵa tıis. Bizdiń til – ol basty baılyǵymyz. Tilimizdi eshkimniń eshqashanda mazaq etýge qaqysy joq, - dedi Gennadıı Shıpovskıh.