İs-sharaǵa Qazaqstan, Qyrǵyzstan, Reseı, Tájikstan qorǵanys vedomstvolarynyń ókilderi jáne Ujymdyq qaýipsizdik týraly shart uıymy Birikken shtaby ofıserleriniń toby qatysady.

Qazaqstandyq áskerı kontıngentti Qarýly kúshter Bas shtaby Jedel josparlaý departamenti bastyǵynyń orynbasary polkovnık Dáýren Abdýlın basqarý ústinde. Onyń quramynda Taldyqorǵandaǵy Desanttyq-shabýyldaý áskerleri brıgadasynyń áskerı qyzmetshileri men ortalyq apparattyń ofıserleri bar.

Jıyn basqarý organdarynyń jedel quramynyń jumysyn uıymdastyrýdyń biryńǵaı tásilderin ázirleýge, laýazymdy tulǵalardyń daǵdylaryn jetildirýge, sondaı-aq «Shekara-2024» birlesken oqý-jattyǵýynyń belsendi kezeńinde Ortalyq azıa óńirlerindegi jedel óristetý ujymdyq kúshteriniń basshylyǵy men shtabyn úılestirýge baǵyttalǵan. 

İs-sharaǵa qatysýshylar Ortalyq Azıa óńirindegi qaýip-qaterler men syn-tegeýrinderdi taldaýmen tanysty. Olarǵa áýe shabýylyna qarsy qorǵanys, radıoelektrondyq kúres, UUA jáne olarǵa qarsy is-qımyl kúsh-quraldaryn qoldana otyryp, jaýyngerlik is-qımyldy uıymdastyrý jáne júrgizý boıynsha praktıkalyq usynymdar berildi. Qolbasshylyq ofıserleri sondaı-aq basqarý quraldarynyń damý úrdisterimen, ınjenerlik áskerlerdiń, RHBQ bólimsheleriniń kúsh-quraldaryn qoldaný erekshelikterimen, OAÓ JÓUK tehnıkalyq jáne tyldyq qamtamasyz etýdi uıymdastyrýmen tanysty.

16 qazanda shtabtyq jattyǵý ótedi, onyń barysynda qolbasshylyq pen shtab ofıserleri UQSHU-ǵa múshe eldiń aýmaǵyna basyp kirgen zańsyz qarýly quralymdardy joıý boıynsha OAÓ JÓUK jaýyngerlik is-qımyldaryn josparlaý jáne daıyndaý máselelerin pysyqtaıdy.

UQSHU-nyń «Shekara-2024» oqý-jattyǵýy 17-21 qazan aralyǵynda ótedi.