Kórmedegi Qazaqstan stendi QR Týrızm jáne sport mınıstrliginiń tapsyrysy boıynsha Kazakh Tourism UK AQ jáne Almaty oblysy Týrızm basqarmasy Qazaqstannyń QHR-daǵy Elshiliginiń qoldaýymen uıymdastyrýda.

Ulttyq stendte Qazaqstannyń týrızm áleýetin 21 týrısik sala ókili tanystyrady. Olardyń qatarynda 12 týroperator, 7 qonaq úı jáne demalys oryndary bar. Qazaqstan áleýeti zor týrısik baǵyt retinde halyqaralyq tanymaldylyqqa ıe bolyp keledi. Elimizdiń týrısik múmkindikteri China Media Group, Dragon Trail jáne basqa da jetekshi halyqaralyq platformalarda jahandyq aýdıtorıanyń nazaryn aýdarýda.

Qytaı Qazaqstan úshin negizgi týrısik maqsatty naryqtardyń biri sanalady. Byltyr qarashada Qazaqstan men Qytaı azamattary úshin 30 kúntizbelik kúnge deıin ózara vızasyz rejım engizilse, bıyldan bastap Qazaqstan men Qytaı arasyndaǵy reıster sany artty. Qazirgi tańda Qazaqstan – Qytaı baǵyty boıynsha aptasyna 44 reıs oryndalady.

eQonaq júıesiniń derekteri boıynsha, bıylǵy 10 aıda Qazaqstanǵa QHR-dan 122 myńnan astam týrıs kelgen. Bul 2023 jylmen salystyrǵanda 64% kóp. Byltyrǵy 10 aıda elimizde 78 515 qytaılyq týrıs saıahattaǵan.

Kórme aıasynda Outbound Tourism Investment&Development Forum is-sharasynda Qazaqstannyń ınvestısıalyq áleýetin tanystyrý josparlanǵan.