Barmenqulovtyń sózinshe, baspasóz konferensıasynda qazaq tilinde suraq qoıǵan tilshini keleke etken bas bapkerge aıyppul salyndy.

- Qatelikter bolady, biz bul týraly jýrnalısermen de sóılestik. Cherchesovtyń ázili, árıne, shekten shyqty. Men onymen jeke de sóılestim, memlekettik tildiń ózektiligi men mańyzyn túsindirdim. Oǵan aıyppul salyndy, - dedi Ádilet Barmenqulov.

Federasıa málimetinshe, aıyppul sommasy 200 AEK nemese 738 400 teńge.

Aıta keteıik, áleýmettik jelide fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tilin kemsitkeni týraly vıdeo tarady. Týrızm jáne sport mınıstrligi bul jaǵdaıǵa beıjaı qaramaı, Qazaqstan fýtbol federasıasyna resmı hat ta joldaǵan edi.

Al Senat depýtaty Gennadıı Shıpovskıh QHA múshesi retinde Stanıslav Cherchesovtiń qazaq tilin fransýz tilimen shatastyrǵan áreketine qatysty Sport mınıstri men Qazaqstan fýtbol federasıasyna úndeý joldady.