Qaraǵandy ákimi qala turǵyndaryna Chetskaıa kóshesiniń boıyndaǵy jolǵa júrgizilgen kúrdeli jóndeý jumystary aıaqtalyp qalǵanyn, ózi de bul habardy asyǵa kútip júrgenin habarlady. "Alaqaı! Dostar, endi maǵan uryspaısyzdar, soǵan óte qýanyshtymyn! Men de bul jańalyqty qatty kúttim. Chetskaıa kóshesindegi kúrdeli jóndeý jumystaryn aıaqtalyp qaldy. Óte qýanyshtymyn", - dep jazdy ákim.

Meıram Qojyqovtyń aıtýynsha, buǵan deıin bul aýmaqta jóndeý jumystary júrgizilip, Dúısembekov kóshesinen Buqar jyraý dańǵylyna deıin aınalma kósheden ótetin jol ashylǵan. "Jóndeý jumystary nege keshiktirilgenin túsindireıin, birinshiden, jol óte uzaq – 4,5 km. Bul bir jaz maýsymy úshin óte kóp. Mundaı jobany júzege asyrý bizdiń klımattyq jaǵdaıymyzdy eskerip, memlekettik saraptamanyń qorytyndysy 20 aıǵa sozylady. Ekinshiden, jol astyndaǵy bastapqy zertteý kezinde kórinbegen kóptegen jelini taptyq. Bolashaqta apat bola qalsa, jańa jol jamylǵysyn buzbaý úshin olardy basqa jerge kóshirdik. Úshinshiden, eki jerústi jylý kompensatoryn jerastyna aýystyrý kóp ýaqytty qajet etti. Tórtinshiden, jańbyr sýynyń jańa júıesin ornattyq. Besinshiden, kóshe qıylystaryn qalpyna keltirý jumystaryn júrgizip, syrtqy jaryqtandyrýdyń jańa jelisin ornattyq", - dedi ákim.

Qojyqovtyń aıtýynsha, aldaǵy jyly Qaraǵandyda tek trotýarlardy abattandyrý jumystary júrgizilmek.