Oblys boıynsha ekonomıkalyq tergep-tekserý departamenti jedel basqarmasynyń basshysy Jolaman Qınalbekovtiń aıtýynsha, qarjy pıramıdalarymen kúres jumystary kúsheıtilgenmen, agressıvti jarnama qurbandary azaımaı tur.

- Birinshi derek boıynsha «Q-NET» kompanıasynyń qyzmetkerleri tórt jyl boıy qarjy pıramıdasyn qurǵan. 28 adam «ınvestısıalyq baǵdarlamanyń» qurbany atanyp, olarǵa 33 mıllıon teńge shyǵyn keldi. Kináliler shartty túrde 6 jylǵa bas bostandyǵynan aıyryldy. Al ekinshi fakti boıynsha alty qalada jumys istegen qarjy pıramıdasy joıyldy. Uıymdastyrýshylar halyqty ınvestısıalyq jobaǵa aqsha quıýǵa shaqyryp, keıin aldap ketken. Bul pıramıda boıynsha 7,6 mlrd teńgeniń 18 myńǵa jýyq kelisimsharty jasalǵan. Bes myń salymshy san soǵyp qaldy. Óńirde 100 mln teńgeden astam salym salǵan azamattar da bar, - deıdi Jolaman Qınalbekov.