Atalǵan saýalǵa premer-mınıstrdiń orynbasary Serik Jumanǵarın halyqaralyq saýdanyń negizi taýar aınalymy ekenin aıtty.

- Bir memleket taýardyń bir túrin shyǵarsa, ekinshi bir memleket basqa taýar shyǵarady degen sıaqty. Búkil taýarlar bir memleketten shyǵarylatyn bolsa, saýda bolmaıdy ǵoı. Sol sebepti, biz de bárin shyǵara bermeımiz. Bárin óndiretindeı jospar da joq. Dese de azyq-túlik taýarlarynyń áleýmettik mańyzy bar. Al óz-ózimizdi 100 paıyz qamtamasyz etýdi mindetti túrde jasaımyz. Qazirgi ýaqytta 10 taýarlyq pozısıamen ózimizdi 100 paıyz qamtamasyz ettik, – deıdi premer-mınıstrdiń orynbasary.

Al saýdaǵa keletin bolsaq, bul turǵyda Ónerkásip jáne qurylys mınıstrliginiń óz baǵdarlamasy bar.

- Turmystyq hımıa Qazaqstanda shyǵarylady. Áıelder men balalarǵa arnalǵan búkil zattar óndiriledi. Biraq ony bireýi alady, endi biri almaıdy. Sebebi árbir adamnyń óziniń talaby men tańdaýy bar. Mysaly, bireýge sheteldik zattar kerek shyǵar. Sondyqtan birinshi assortıment bolýy kerek, ekinshiden, ózimizdiń ishki baǵdarlamamyz bolýy qajet. Munyń bári qazir tolyq bar, – premer-mınıstrdiń orynbasary Serik Jumanǵarın.