«Qazaqstannyń 2024 jylǵa arnalǵan astyq daqyldary boıynsha eksporttyq áleýeti 12 mln tonna, onyń ishinde 7-7,5 mln tonna – bıdaı, 1,3-1,4 mln tonna – arpa, 300 myń tonna – júgeri. Sonymen qatar, maıly daqyldar boıynsha áleýet 1 mln tonnadan asady. Ortalyq Azıa men Aýǵanstanǵa 4,2 mln tonna bıdaı jetkiziledi dep kútilýde. Ótken jyly Qytaıǵa jalpy astyq eksporty 1,43 mln tonnany qurap, 2022 jylmen salystyrǵanda 5,5 ese ósti. Onyń ishinde bıdaıdyń úlesi - 538,8 myń tonna, ótken jylǵy kórsetkishten 15 ese artyq. Bul Qytaıǵa eksport kólemin 1,6 mln tonnaǵa deıin arttyrýǵa múmkindik beredi. Degenmen, Qytaı shekarasyndaǵy kidirister men lısenzıalaý sharttary áli de sheshýdi talap etedi», - dedi vıse-mıınstr.
Onyń atap ótýinshe, jahandyq suranystyń artýy jáne ónimdiliktiń tómendeýine baılanysty Italıa, Latvıa, Ispanıa sıaqty EO elderi mańyzdy naryqtar bolyp otyr. Qazaqstan úshin bıdaıdy Reseı arqyly tranzıtteý jáne Transkaspıı halyqaralyq kólik baǵyty boıynsha shyǵyndardy azaıtý ózekti. Osy baǵyt arqyly Túrkıa men Taıaý Shyǵysqa shamamen 1 mln tonna bıdaı eksporttaýǵa múmkindik bar.
Pikir qaldyrý