Turkish Aerospace (TUSAŞ) aeroǵarysh kompanıasynyń shtab-páterindegi qaıǵyly jaǵdaıdan kem degende bes adam kóz jumyp, 22 adam jaraqat alǵan.
- Terakt saldarynan qaza tapqandar sany bes adamǵa deıin artty. Jalpy jaralanǵandar - 22 adam, olardyń úsheýi aýrýhanadan shyqty, - dep atap ótti Túrkıanyń İİM Álı Erlıkaıa jergilikti telearnaǵa bergen suhbatynda.
Mınıstrdiń aıtýynsha, shabýyl elde tyıym salynǵan Kýrdıstan jumys partıasymen baılanysty bolýy múmkin.
Buǵan deıin Erlıkaıa shabýyl jasaǵan eki lańkestiń kózi joıylǵanyn aıtqan edi.
Eske salsaq, Ankara mańynda ornalasqan Turkish Aerospace (TUSAŞ) aeroǵarysh kompanıasynyń nysanynda terakt boldy.
Pikir qaldyrý