Aqyn 1 jyl buryn aýyr halde jatqany týraly aqparat taralǵan edi. Oǵan kúrdeli operasıa jasalǵan.

«Josparlanǵan operasıa. Bes jerden tesip, jaqsy ótken. Asqazannyń aýyryp júrgenine eki jyl boldy. Barlyq analızderim jaqsy shyǵyp, otadan soń turyp, úıge qaıtqanmyn. «İshek «spaıka» bolǵan, tilý kerek, áıtpese bolmaıdy» dedi. Ary qaraıǵysyn bilmeımin. Komaǵa túsip, óń men tústiń ortasynda Dımash Qudaıbergenmen «mırovoı» konsertte júrdim. Iá, anyq kórinedi. Jıyrma kúnge jýyq es-tússiz jatqanymdy kórgen dostarym bárine daıyn turdy. Allanyń qalaýy ǵoı, «100 paıyzdan paıyzdan bir-aq paıyz úmit bar, bárine daıyn bolyńyzdar» degen eken... Bul taqyrypty osymen jabamyn. Jaman kúnder artta qaldy. Bir dertke shıpa izdegenimde Alla aýyr, kótere alatyn synaq berip, on dertimnen aıyqtyrdy. İshekti jýǵyzdy, asqazannyń jarasyn da, artyǵyn da kesti. Qan da tazardy. Uıqy bezder ornyna keldi. Qan qysymy múldem joǵaldy. Ár qıyndyqtyń artynda qaıyrly úlken jeńildigi men qýanyshy bar dep tegin aıtpaǵan eken. Ózime emes, kózime, qundy sózime mán ber, halqym! Men sizdermen sondaı baqyttymyn», - dep jazdy Qurmanaı Baqtıarqyzy.