Úkimet basshysy Karlos Mason aımaqtarda izdeý-qutqarý jumysy áli júrip jatqanyn aıtady. Sondyqtan qurbandar qatary áli ósýi múmkin. 

Opat bolǵandardyń 82-si Valensıa provınsıasynyń turǵyndary. Joǵalǵandar da óte kóp. Tele jáne radıo stansalarǵa syrt álemnen oqshaýlanyp qalǵan júzdegen turǵyn habarlasyp jatyr. Qutqarý operasıasyna myńnan astam sarbaz ben tikushaq tartyldy. Ondaǵan myń adam jaryqsyz otyr. 

Meteorolgtar jaýyn-shashyn búgin de jalǵasady dep eskertti. Ispanıa patshasy jaqynynan aıyrylǵandarǵa kóńil aıtty.

Qaıǵyly oqıǵaǵa baılanysty jaqynyn joǵaltqan barlyq otbasylarǵa kóńil aıtamyz. Kóptegen múlik qırady. Keıbir aımaqtarǵa áli jete almaı jatyrmyz. Sondyqtan alapat tasqynnyń zardabyn áli tolyq bilmeımiz. Premer-mınıstr jáne barlyq aımaq basshylarymen baılanystamyn. Barlyq sharalardy jasap jatyrmyz, - dedi Ispanıa patshasy Fılıpp VI.