Qysqa merzimdi ekonomıkalyq kórsetkish 105,3 paıyzdy qurady. Eń kóp ósim qurylysta – 131,6%, ónerkásipte – 102,6%, ishki saýdada – 110,5%, aýyl sharýashylyǵynda – 106,4% tirkeldi. Bul týraly Ortalyq komýnıkasıalar qyzmetinde ótken brıfıńte oblys ákimi Nurlan Uranhaev aıtty.

237,1 myń sharshy metr baspana paıdalanýǵa berildi. Bul 2 myń otbasyn baspanamen qamtamasyz etýge múmkindik berdi. Ortasha aılyq jalaqy ekinshi toqsannyń qorytyndysy boıynsha 12,3%-ǵa ósip, 340 myń teńgeni qurady.
 
Menshikti kirister 126,5 paıyzǵa ósip, oblys búdjetine 294,9 mlrd teńge tústi. Semeı qalasynyń búdjeti 114,7 mlrd teńgeni qurady.
 
?Memleket basshysynyń tapsyrmasyn oryndaý aıasynda oblysty áleýmettik-ekonomıkalyq damytýdyń 2023-2027 jyldarǵa arnalǵan keshendi jospary bekitildi. Investısıa kólemi 1,9 trln teńgeni quraıtyn 102 is-sharany qamtıdy. 2024 jyly 74 is-sharany júzege asyrý josparlanǵan, onyń 7-i aıaqtaldy. 2028 jylǵa deıin 23 jobany qamtıtyn ınvestısıalyq pýl qalyptastyryldy. Nátıjesinde 7 myń jumys ornyn qurýǵa múmkindik bar. Qazirgi ýaqytta 6 joba júzege asyrylyp, 225 jumys orny ashyldy.