Astanada «Kapıtal qurylys servıs» JSHS-nyń quryltaıshysy ári dırektory ustaldy. Bul týraly «Qamshy» portaly Astana qalasy İİD-i baspasóz qyzmetine silteme jasaı otyryp habarlaıdy.
«Kapıtal qurylys servıs» JSHS dırektory ári quryltaıshysy bolyp tabylatyn I. Dmıtrıenkoǵa «Granıtnyı» turǵyn úı kesheniniń 44 úleskerine tıesili 222523000 teńge qarajatty jymqyrdy degen aıyp taǵylyp otyr. Astana qalasy Saryarqa aýdanynyń №2 soty kúdiktini qamaý týraly sanksıa bergen. Qazir tergeý jumystary júrýde.
Buǵan deıin Elordada «Haziret» turǵyn-úı keshenin salyp jatqan «SheıhQazInvest» JSHS-niń qyzmetkerleri ustalyp, «Azbýka jılá» kompanıalar tobynyń basshysy Erqanat Taıjanovqa halyqaralyq izdeý jarıalanǵan bolatyn.
