Jyl saıyn shamamen 4,5 mıllıon bala profılaktıkalyq tekseristen ótip, anyqtalǵan aýrýlary boıynsha esepke alynady. 9 aıda 3,8 mıllıon bala qamtyldy.

Balalar múgedektiginiń aldyn alý maqsatynda MSAK uıymdarynda 1500 "bala jetildirý kabıneti" jáne bosandyrý uıymdarynda 50 "jańa týǵan nárestelerdi baqylaý júrgizý" kabıneti jumys isteıdi.

2022 jyldan bastap qursaqishilik patologıany erte anyqtaý maqsatynda 20 "júktilikti saqtaý ortalyǵy" jumys isteıdi. Alǵash ret elimizde 11 qursaq ishilik ota sátti júrgizildi.

Genetıkalyq aýrýlar men týa bitken aqaýlardy erte anyqtaýdyń qoljetimdiligin jaqsartý úshin 1 naýryzdan bastap 10 óńirde perınataldy ortalyqtarda tekserý bólimsheleri ashyldy. Osy ýaqytqa deıin 23 myńnan astam áıel tekserilip, 201 áıelde (1,3%) ómirge sáıkes kelmeıtin patologıasy bar balanyń týylýy aldyn alyndy.