Agenttiktiń Almaty oblysy boıynsha departamenti oblystyq prokýratýramen birlesip, "Shańyraq" qoǵamdyq birlestiginiń basshysy Almasbek Sadyrbaıdyń asa iri mólsherde alaıaqtyq áreketin áshkereledi. Ol ózi basqaratyn adamdar toby Balqash, Eńbekshiqazaq, Kegen, Raıymbek jáne Uıǵyr aýdandarynda jalǵan aýyl sharýashylyǵy kooperatıvterin qurdy dep kúdiktelýde, - delingen habarlamada.

Negizgi maqsat - usaq maldyń analyq basyn uryqtandyrýǵa sýbsıdıalardy zańsyz alý jáne jem-shóp shyǵyndaryn óteý. Bul úshin zańnamaǵa qaıshy aýylsharýashylyq jerleri joq sharýa qojalyqtary tartylǵan.

Sondaı-aq jalǵan kadastrlyq nómirlerdi kórsete otyryp, dáıeksiz málimetterdi qamtıtyn sýbsıdıalar alýǵa ótinimder qashyqtan berilgen. Bul rette aýyl sharýashylyǵy kooperatıvteri basshylaryn habardar etpeı, olardyń ESQ-sy paıdalanylǵan. Osylaısha 1,2 mlrd teńgeden astam qarajat urlanǵan.