Aǵymdaǵy jyldyń sońyna deıin elde berilip jatqan ıpotekalyq nesıeniń 75 paıyzyna ıelik etip otyrǵan «Turǵyn-úı jınaq bankiniń» baqylaýshy paketi jańa ınvestorlarǵa satylady, - dep habarlaıdy «Qamshy» portaly Total.kz-ke silteme jasap.
«Búginde sheteldik turǵyn-úı naryǵynda birshama tájirıbesi bar nemis, avstrıa bankteri bar. Solar bizdiń bankke qyzyǵýshylyq tanytyp jatsa, banktiń baqylaýshy paketi, ıaǵnı 50-51 paıyz kólemindegi aksıalary satylmaqshy», - deıdi bank basqarma tóraǵasynyń orynbasary Erbol Qýanyshbaev.
Onyń aıtýynsha, bank jańa ınvestorlarǵa satylsa da, turǵyn-úı jınaqtaý qyzmeti týraly zańnamalarǵa sáıkes, osy baǵytta ǵana jumys isteıtin bolady. Baǵa saıasaty da zańmen rettelip otyrmaq.
E. Qýanyshbev naqty qandaı qarjy uıymdarymen kelissóz júrgizilip jatqany týraly tis jarmady. Budan eki máseleni ańǵarýǵa bolady. Birinshisi – bankke ıelik etetin jańa ınvestorlardyń esimderi belgili. Tek, rásimdeý prosedýralary aıaqtalǵansha olardy jarıalaýǵa bılik qulyqsyzdyq tanytyp otyr. Ekinshisi – bank perspektıvalary ishki naryqta da, sheteldik iri qarjy uıymdarynyń da qyzyǵýshylyǵyn týdyryp otyrǵan joq. Qalaı bolǵanda da, bas ýaıymy baspana bolǵan bylaıǵy halyq jańa ınvestordyń esimin jýyq arada bile qoımaıdy.
