Qazaqstanda Biryńǵaı Ulttyq testileýdi ótkizý merzimin aýystyrý josparlanyp otyr, - dep habarlaıdy «Qamshy» portaly Tengrinews.kz-ke silteme jasap. Bul týraly keshe Ortalyq kommýnıskasıalar qyzmetinde ótken brıfınte QR bilim jáne ǵylym vıse-mınıstri Takır Balyqbaev málimdedi.

Balyqbaevtyń aıtýynsha, joba jasalyp jatyr jáne ol synaq túrinde kelesi jyly engiziledi. Qazaqstannan shetelge oqýǵa ketetinderdiń sanyn arttyrý úshin qandaı sharalardyń júzege asyrylyp jatqany týraly suraqqa ol túlekterdiń UBT-ny erte tapsyrýǵa múmkindigi paıda bolatynyn aıtty. 

"Birinshi kezekte bul Reseı Federasıasynyń joǵary oqý oryndarynyń ınternasıonalızasıalandyrýymen baılanysty, sondyqtan ol jaqta oqýǵa qazaqstandyq jastardy tartady. Biraq munda eki másele bar: birinshisi - biz de normatıvimizdi ózgertkimiz keledi, sebebi jastarymyz elimizdiń joǵary oqý oryndaryna túsýge kepili men múmkindikteri bolýy úshin UBT-ny jazda emes, erterek tapsyra alatyndaı jaǵdaı jasaımyz. Biz qazirgi ýaqytta bul jobany jasap jatyrmyz, kelesi jyly ony jarıa etemiz. Sodan keıin ony synaq tártibinde engizemiz. Bizdiń ıdeologıamyz testti belgili bir bóligin maýsymdy kútpeı, jylyna birneshe ret tapsyra alýǵa múmkindik berý degenge sáıkes keledi. Ádette reseılik joǵary oqý oryndary qysta nemese kóktemde keledi de, jastardy qabyldaı bastaıdy. Biz de jastarymyzdyń testti erte tapsyra alatyn múmkindiginiń bolǵanyn qalaımyz", - dep túsindirdi vıse-mınıstr.