Búgin jobanyń atqarýshy prodúseri ári rejıseri Emre Shahın, prodúser Fıkret Manoglý jáne qoıýshy-sýretshi Zekı Saraıoglý Astanaǵa Qazaqstan Respýblıkasynyń Memlekettik keńesshisi Erlan Qarınmen kezdesýge keldi.

Karga Seven Pictures prodúserlik ortalyǵynyń málimetinshe, serıal senarıi jazylyp bitken. Al senarıdi daıyndaýǵa Djastın Pollard ("Vıkıngter") jáne Kler Morsým ("Oýtloý Kıng") sıaqty tanymal jazýshylarmen qatar qazaqstandyq jáne halyqaralyq tarıhshylar, sarapshylar qatysqan.

Karga Seven Pictures ókilderi senarıdi ázirleý Joshy Ulysy men Altyn Ordanyń tarıhyn, sondaı-aq kóshpeli halyq pen qazaqtardyń mádenı qundylyqtary jáne ómir saltyn tereń zertteýdi qamtyǵanyn aıtty. Avtorlar túsirilim oryndary izdestirilip jatqanyn jáne qazirgi ýaqytta kastıng ótip jatqanyn tilge tıek etti. Serıaldyń túsirilimi jaqyn arada bastalady.

Qarınniń sózinshe, jobanyń mańyzdylyǵyna toqtalyp, Joshy han dáýirinde ómir súrgen oıshyldar álemdik tarıh pen geosaıasatqa erekshe áser etti.

Óz kezeginde Karga Seven Pictures ókilderi Altyn Ordanyń tarıhy álemdik aýdıtorıa men halyqaralyq dıstrıbútorlardyń qyzyǵýshylyǵyn týdyrǵanyn alǵa tartty.