Energetıka mınıstrligi "Qazaqstan Respýblıkasynyń ishki naryǵyna taýar bırjalarynan tys suıytylǵan munaı gazyn jetkizý jospary sheńberinde suıytylǵan munaı gazyn kóterme saýdada ótkizýdiń shekti baǵasyn bekitý týraly" buıryqtyń jobasyn daıyndady.

2024 jylǵy 26 maýsymda Energetıka mınıstrligi suıytylǵan munaı gazyn óndirýshi zaýyttar úshin 2024 jylǵy 1 shildeden bastap tonnasyna 45 158 teńge deńgeıinde shekti kóterme baǵany bekitti. Mundaı baǵalar 2024 jylǵy 31 jeltoqsanǵa deıin belgilendi.

2025 jylǵy 1 qańtardan bastap vedomstvo shekti kóterme baǵany sol deńgeıde qaldyrýdy josparlap otyr.

- Suıytylǵan munaı gazyn Qazaqstan Respýblıkasynyń ishki naryǵyna suıytylǵan munaı gazyn berý jospary sheńberinde taýar bırjalarynan tys kóterme saýdada ótkizýdiń 2025 jylǵy 1 qańtardan, bir tonnasy úshin 45 158,00 (qyryq bes myń bir júz elý segiz) teńge mólsherinde bekitilsin, – delingen jobada.

Joba 2024 jylǵy 5 jeltoqsanǵa deıin jarıa talqylaý úshin "Ashyq NQA" portalynda ornalastyrylǵan.