Prezıdent óziniń "Ádiletti Qazaqstan: zań men tártip, ekonomıkalyq ósim, qoǵamdyq optımızm" atty halyqqa Joldaýynda elimizdiń ónerkásiptik áleýetin ashýǵa júıeli kúsh salý qajettigin basa aıtty. Qasym-Jomart Toqaev tereń óńdeý tásilin meńgerýge basymdyq berilgen 17 iri jobanyń tizimin atap ótti.

Óz shıkizatymyz ben qural-jabdyqtarymyzdy barynsha paıdalaný, iri kásiporyndarǵa japsarlas óndirister ashý mańyzdy. Jobalar ekonomıkany ártaraptandyrý jáne óńdeý ónerkásibiniń básekege qabilettiligin yntalandyrý baǵdarlamasy sheńberinde irikteldi. Olar metalýrgıa, hımıa, munaı-hımıa, avtokólik, týrızm, aýyl sharýashylyǵy jáne tamaq ónerkásibi sıaqty negizgi salalardy qamtıdy.

Jobalar tizimi negizgi krıterııler boıynsha tańdaldy:

ónimdi qaıta bólýdiń ortasha jáne joǵary deńgeıi;

eksportqa jáne ımportty almastyrýǵa baǵdarlaný;

óndiriletin ónimge naryqtyq suranys;

el nemese aımaq ekonomıkasy úshin strategıalyq mańyzdylyǵy – mýltıplıkatıvti áser.

Atalǵan jobalarǵa ınvestısıa kólemi shamamen 15 trln teńgeni qurap, 25 myńnan astam jumys orny qurylady. Kútiletin ekonomıkalyq tıimdilik eksport kóleminiń 6 trln teńgege artýy jáne ımportqa táýeldiliktiń 1,5 trln teńgege tómendeýin qamtıdy.