Qazaqtyń kórnekti memleket qaıratkeri, ekonomıs ǵalym Serikbolsyn Ábdildın týraly "Tóraǵa Ábdildın" atty derekti fılm jaryq kórdi.

Serikbolsyn Ábdildın 80-inshi jyldardan bastap Nursultan Nazarbaevpen «ıyq tirese» jumys istegen saıasatker. Osy jyldar ishinde ol óziniń prezıdent Nazarbaevty jaqsy tanyp-bilip alǵanyn aıtady. Ol eki ǵasyr toǵysynda Qazaqstannyń saıası ómirinde bolǵan ózgeristerge bir kisideı kýá bolyp qana qoımaı, eldegi saıası oqıǵalarǵa belsendi aralasqan adam. Qazaqstan táýelsizdigin jarıalaǵan kezde prezıdent Nazarbaevpen birge joǵarǵy bılikte bolǵan saıasatker keıinnen prezıdenttiń sózi men isiniń alshaqtaǵany jaıynda «Aqıqat pen ańyz» kitabynda jan-jaqty áńgimeleıdi.

–       Ókinishke qaraı, Qazaqstan Ábdildınniń konstıtýsıasymen eki-aq jyl ómir súrdi. Biz túsirgen fılmde keıipkerimizdiń memlekettik tilge konstıtýsıadan qalaı mártebe alyp bergeni jaıly da aıtylady. Ábdildın úlken tulǵa! Onyń ár saladaǵy joly san taraý. Qal-qadirimizshe, shamamyz jetkenshe fılm túsirdik. Buǵan deıin túsirilmegen eken. Qazaq kórnekti memleket qaıratkerin, ekonomıs ǵalym, ustaz Ábdildındi umytpaýy tıis! Serikbolsyn aqsaqal baqıǵa ketkenshe halqyna qyzmet etken ultynyń adal perzenti, – deıdi derekti fılmniń avtory Qanat Tileýhan.

Serikbolsyn Ábdildın týraly derekti fılmniń tusaýkeseri 15

jeltoqsan kúni Almaty qalasy  Markov kóshesi 44 mekenjaıynda ornalasqan «Transforma» platformasynda

ótedi.