2025 jyldan bastap WhatsApp Android smartfondarynyń birqatar modelderinde jumys isteýdi toqtatady. 

Tizimde 10 jyl buryn shyǵarylǵan Samsung, Motorola, HTC, LG jáne Sony smartfondarynyń bir kezderi tanymal bolǵan 19 modeli bar. Olardyń arasynda Samsung Galaxy S3 jáne Note 2, birinshi býyn Motorola Moto G, HTC One X, LG Optimus G men Nexus 4 jáne Sony Xperia-nyń birneshe modelderi kezdesedi.

Meta korporasıasynyń dereginshe, bul sheshimi WhatsApp-tyń jańa múmkindikterin, sonyń ishinde zamanaýı jabdyqty qajet etetin jasandy ıntellektke negizdelgen sharalardy qoldaý qajettigine baılanysty shyǵarylyp otyr. Atalǵan qurylǵylardyń paıdalanýshylaryna barlyq WhatsApp derekterin 2025 jyldyń 1 qańtaryna deıin jańa qurylǵylarǵa kóshirý usynyldy. Áıtpese chat tarıhy men medıa faıldar birjola joǵalady.

Sonymen qatar Meta bul sheshimdi eski iPhone modelderine qatysty da qabyldandy. WhatsApp 2025 jyldyń mamyrynda 15.1 nusqasynan tómen iOS qurylǵylary úshin toqtatylady.