Búgin Astana qalasynda ótken Qazaqstan musylmandarynyń H Quryltaıynda QMDB Tóraǵasy, Bas múftı laýazymyna Naýryzbaı qajy Taǵanulynyń kandıdatýrasy usynyldy.

Quryltaıǵa jınalǵan 300-ge jýyq delegat osy kandıdatýraǵa biraýyzdan daýys berip, qoldaý kórsetip, Naýryzbaı qajy Taǵanulyn Bas múftı laýazymyna qaıta saılady.

QMDB Tóraǵasy, Bas múftı Naýryzbaı qajy Taǵanuly jýrnalıserge bergen suhbatynda: «Quryltaıǵa elimizdiń ár oblysynan kelgen 300-ge jýyq delegat meniń kandıdatýrama daýys berip, senim bildirip, Bas múftı laýazymyna qaıta saılady. Bul senimdi abyroımen aqtaýǵa bar kúsh-jigerimdi jumsaımyn. Josparlap otyrǵan birqatar jumystarymyz bar. Máselen, aldaǵy 2025 jyly Qazaqstan musylmandary dinı basqarmasynyń derbes múftıat bolyp qurylǵanyna 35 jyl tolady. Mereıtoı aıasynda jospardaǵy kóptegen ıgi isterdi jurt bolyp jumylyp, halyq bolyp birigip atqarýǵa barshańyzdy shaqyramyn» dedi. 

Aıta keteıik, Naýryzbaı qajy Taǵanuly QMDB Tóraǵasy, Bas múftı laýazymyna ekinshi ret saılanyp otyr.