Úkimet otyrysynda Oqý-aǵartý mınıstri Ǵanı Beısembaev "Jumysshy mamandyqtar jyly" iske asyralatyn 6 is-sharaǵa toqtaldy.

Jańa kásipter atlasy jáne kásiptik baǵdar tujyrymdamasy

"Jańa kásipter atlasy" elimizdiń barlyq óńirlerinde ázirlenedi. Oqýshylar eńbek naryǵynyń talaptary týraly aqparat alady jáne mansapty durys tańdaı alady. 1000 mektepte beıindik synyptar ashylyp, joǵary synyp oqýshylary praktıkalyq daǵdylarǵa úıretiledi.

Tehnıkalyq jáne kásiptik bilim berýdi qarjylandyrý

2025 jylǵy 1 qyrkúıekten bastap jan basyna shaqqandaǵy qarjylandyrý 437 myńnan 912 myń teńgege deıin ulǵaıady.
Jańa qarjylandyrý júıesi bilim uıymdaryn zamanaýı jabdyqtarmen qamtamasyz etýge jáne pedagogterdiń biliktiligin arttyrýǵa múmkindik beredi.

Kolejderdiń materıaldyq-tehnıkalyq bazasy jańarady

270 memlekettik kolejdiń jabdyqtaryn jańartý josparlanǵan. 2025-2027 jyldary jumys berýshiler men jeke ınvestısıalardy tarta otyryp kolejderge zamanaýı jabdyqtar alynady. Kolej stýdentteri úshin 6 myńnan astam jataqhana ornynyń tapshylyǵyn joıý mindeti qoıylǵan.

Bıznes-qurylymdarmen yntymaqtastyq artady

518 kásiporyn sheftik qamqorlyq kórsetse, bul sandy 4 myńǵa deıin arttyrý kózdelýde. Dýafldy oqytý júıesi damyp, kásiporyndarmen 2 myńnan astam jańa bilim berý baǵdarlamasy ázirlenedi.

Kolejderdi ınternasıonalızasıalaý

10 kolejdi halyqaralyq standarttarǵa sáıkestendirý jáne jahandyq deńgeıde básekege qabilettiligin arttyrý kózdelgen. Sheteldik menedjerlerdiń qatysýymen basqarý júıesi engiziledi, al pedagogtar halyqaralyq tájirıbe almasady.

TurkSkills chempıonaty

Túrkitildes elder arasynda alǵash ret TurkSkills chempıonaty ótedi. Maqsaty – úzdik tájirıbelerdi anyqtap, ınovasıalyq sheshimderdi óndiriske engizý. Chempıonat Mańǵystaý oblysynda, 2025 jyly Túrksoı uıymynyń mádenı astanasy – Aqtaýda ótedi.