Memleket basshysynyń Jarlyǵymen Erlan Sársembaev Qazaqstan Respýblıkasynyń Ádilet mınıstri laýazymyna taǵaıyndaldy.

Sársembaev Erlan Jaqsylyquly 1975 jyly Almaty oblysy Talǵar aýdany Oktábr aýylynda dúnıege kelgen.

Almaty energetıka jáne baılanys ınstıtýtyn "Radıoınjener" mamandyǵy boıynsha (1997), D.A. Qonaev atyndaǵy Gýmanıtarlyq ýnıversıtetin "Zańger" mamandyǵy boıynsha bitirgen (2000).

Eńbek joly:

Halyqaralyq yntymaqtastyq departamentiniń TMD elderimen áskerı yntymaqtastyq bóliminiń ofıseri (1998), QR Qorǵanys mınıstri apparatynyń Halyqaralyq áskerı yntymaqtastyq departamentiniń Shart-quqyqtyq bóliminiń ofıseri, aǵa ofıseri laýazymdarynda áskerı qyzmet atqardy (1998-2002).

QR Premer-Mınıstri Keńsesiniń Qorǵanys jáne quqyqtyq tártip bóliminiń konsýltanty (2002-2003), QR Premer-Mınıstri Keńsesiniń Qorǵanys jáne quqyqtyq tártip sektorynyń konsýltanty, keıin  meńgerýshisi  boldy (2002-2005).

Keıin QR Parlamenti Senaty Apparatyna aýysyp, Áleýmettik-mádenı damý komıtetimen ózara is-qımyl bólimi meńgerýshisiniń orynbasary, QR Parlamenti Senaty Apparatynyń Áleýmettik-mádenı damý komıtetimen ózara is-qımyl bóliminiń meńgerýshisi qyzmetterin atqardy  (2005-2011).

QR Ulttyq qaýipsizdik organdarynda QR UQK Zań departamenti bastyǵynyń orynbasary, bastyǵy qyzmetin atqardy (2011-2016).

2016 jyldan bastap 2022 jylǵy jeltoqsanǵa deıin QR Parlamenti Senaty Apparatynda ártúrli basshylyq qyzmetterde boldy: Áleýmettik-mádenı damý jáne ǵylym komıtetimen ózara is-qımyl bólimi meńgerýshisi (2016-2017). QR Parlamenti Senaty Apparaty basshysynyń orynbasary (2017-2019). QR Parlamenti Senaty Apparatynyń Halyqaralyq qatynastar, qorǵanys jáne qaýipsizdik komıtetimen ózara is-qımyl bóliminiń meńgerýshisi (2019-2022).

Qazaqstan Respýblıkasy Konstıtýsıalyq Sotynyń sýdıasy laýazymyna taǵaıyndaldy. (01.01.2023 j. bastap qazirgi deıin).

"Eren eńbegi úshin" «Úzdik memlekettik qyzmetshi» tósbelgisimen jáne birqatar merekelik medeldarmen, sondaı-aq Joǵarǵy Sottyń, UQK, QorMıniniń, TJM-niń vedomstvalyq nagradalarymen marapattaldy.