Búgin el ishi saqshylary Ulttyq Ulan qurylǵan kún. Áskerı qurylymnyń jasaqtalǵanyna 33 jyl.

Qazaqstan Respýblıkasy İİM Ulttyq ulany Qazaqstan Respýblıkasy ishki ister organdarynyń biryńǵaı júıesine kiredi jáne jeke bastyń, qoǵam men memlekettiń qaýipsizdigin qamtamasyz etýge, adamnyń jáne azamattyń quqyqtary men bostandyqtaryn qylmystyq jáne ózge de quqyqqa qarsy qolsuǵýshylyqtardan qorǵaýǵa arnalǵan, - dep jazylǵan Ulttyq Ulannyń qyzmettik mindettemesinde.

Qazir Ulttyq Ulanda 13 myń 500-ge jýyq ásker merzimdi qyzmet atqarady. Olarǵa qoǵamdyq tártipti qamtamasyz etý, memlekettik nysandardyń qaýipsizdigi jáne qarýly qaqtyǵystardy boldyrmaý syndy mańyzdy mindetter júktelgen.

Ótken bir jylda jasaqtyń kınolog mamandary men qyzmettik ıtter 100-den astam iz-kesý oqıǵalaryna jumyldyryldy. Qyzmettik ıtter kómegimen 40 keliden astam esirtki, 1,2 keli jarylǵysh zat, 74 oqdári, 15 atys jáne sýyq qarýy tabyldy. 81 qylmys ashylyp, 69 qoǵamdyq tártip buzýshy ustaldy.

Ulttyq Ulan qataryndaǵy qyzmet el aldyndaǵy boryshty óteýmen ǵana shektelmeıdi. Bıyl merzimdi qyzmetin aıaqtaǵan 627 áskerı qyzmetshige joǵary oqý oryndarynan bilim granttary berilse, taǵy 500-ge jýyq sarbaz kelisim-shart negizinde qyzmetin jalǵastyrady.