Jelide advokat Meıirman Shekeev pen bloger Jan Ahmadıev Sherzat Polattyń ápkesi Baqyt Reımovany deportasıalamaı elde qalatynyn málimdedi. 

Almaty oblysynyń prokýratýrasy Bas prokýratýranyń kelisimimen Joǵarǵy sotqa Baqyt Reımovany deportasıalamaı, jazasyn basqa jolmen óteý týraly ótinish joldaǵan. Endi onyń elde qalý máselesin Joǵarǵy sot sheshedi.

Baqyt Reımova elden shyǵarylsa, onyń kámeletke tolmaǵan uly Meıirbek Reımov asyraýshysyz jalǵyz qalady. Sol úshin jetkinshek anasynan aıyrmaýdy surap, prezıdentke úndeý jasaǵan bolatyn.

Advokat Meıirman Shekeev BUU-nyń bala quqyǵy týraly konvensıasyna saı bala men anany ajyratýǵa bolmaıtynyn eske saldy. 1989 jyly qabyldanǵan bul talapty saqtaýǵa Qazaqstan da mindetti.

Eske salsaq, Baqyt Reımova Talǵarda kisi qolynan qaza bolǵan Sherzat Polattyń ápkesi. Ol baýyry Nurǵanattyń qazasynan keıin  eldi mıtıńke shaqyrdy degen aıyppen 15 táýlikke qamalǵan edi.