Qasym-Jomart Toqaev Nıgerıa Prezıdenti Bola Ahmet Tınýbýmen kezdesti.

«Abý Dabıdiń ornyqty damý aptalyǵy» halyqaralyq samıti alańynda Qazaqstan Prezıdenti Qasym-Jomart Toqaev Nıgerıa Federatıvti Respýblıkasynyń Prezıdenti Bola Ahmet Tınýbýmen kezdesti.

Toqaev elimiz Afrıka qurlyǵyndaǵy halyq tyǵyz qonystanǵan jáne iri ekonomıkasy bar Nıgerıamen san qyrly yntymaqtastyqty nyǵaıtýǵa basa mán beretinin jetkizdi.

Óz kezeginde Bola Ahmet Tınýbý ekijaqty qarym-qatynasty jańa ári sapaly deńgeıge kóterý úshin birlese kúsh jumsaýǵa daıyn ekenin rastady.

Osy rette Qasym-Jomart Toqaev Nıgerıa Prezıdentin Qazaqstanǵa resmı saparmen kelýge shaqyrdy.

Taraptar saýda-ekonomıka, kólik-logıstıka, energetıka jáne aýyl sharýashylyǵy salalaryndaǵy yqpaldastyqty damytý perspektıvasyn talqylady.

Eki eldiń basshylary halyqaralyq kúntártibindegi ózekti máseleler jóninde pikir almasyp, kópjaqty qurylymdar aıasyndaǵy baılanysty jandandyrý mańyzdy ekenin atap ótti.