Qyzylorda ákimdigi ushaqta jolaýshyny qutqaryp qalǵan stýdentti marapattady.

Oblys ákimi bolashaq dáriger Dinmuhammed Bekturǵannyń ata-anasyn jeke qabyldap, "Alǵys hat" tabystap, zor rızashylyǵyn bildirdi.

“Nurbolat jáne Ǵalıa Nurseıitova balasyna jaqsy tárbıe berip, ulynyń medısınalyq ýnıversıtette aqyly túrde bilim alýyna eńbek etip júrgen jandar. Qazirgi tańda Dinmuhammed 7-kýrs stýdenti. Ol taǵy 3 jyl rezıdentýra oqýǵa nıetti”, – delingen habarlamada.

Sonymen qatar ushaqta jolaýshynyń ómirin saqtap qalǵany úshin Dinmuhammedtiń oqý aqysyn Qyzylorda ákimdigi tólep bermek.

Eske salsaq, Qyzylorda–Astana baǵytyndaǵy reıste jolaýshy esinen tanyp, júregi men tynysy toqtaǵan. Astana medısınalyq ýnıversıtetiniń ınterni Dinmuhammed Bekturǵan shuǵyl kómek kórsetip, júrek-ókpe reanımasıasyn jasap, jolaýshynyń ómirin saqtap qalǵan bolatyn.